“პარი სენ ჟერმენის” ურუგვაელი თავდამსხმელი ედინსონ კავანი ტრავმირებულია და ლიგა ერთის მომდევნო ტურში, “მონაკოს” წინააღმდეგ მისი თამაში კითხვის ნიშნის ქვეშ დგას.

კავანიმ ბარძაყის ტრავმა “ბორდოსთან” მოგებული თამაშის (2:0) 75-ე წუთზე მიიღო და მან მოედანი მალევე დატოვა.

ESPN-ს ცნობით, კავანის პსჟ-ს მომდევნო ორ მატჩში უქმობა ემუქრება. პარიზელები, 4 თებერვალს, საფრანგეთის ლიგის თასზე, “ნანტს” დაუპირისპირდებიან, ხოლო 9 თებერვალს, ლიგა ერთში, “მონაკოს” ეწვევიან.

ედინსონ კავანი პსჟ-ში მიმდინარე სეზონის დასაწყისში გადავიდა. ფრანგული კლუბის მაისურით ჩატარებულ 29 მატჩში მან 20 გოლი გაიტანა.