ბოლო მატჩებში კაკა კრიზისში მყოფ “მილანის” ნამდვილ ლიდერად მოგვევლინა. ზაფხულში მადრიდის “რეალიდან” იტალიაში დაბრუნებული ბრაზილიელი თითქოს მეორე ახალგაზრდობას განიცდის. მან ბოლო ტურის შეხვედრაშიც გაუტანა “კატანიას” და საბოლოო წერტილი დასვა - 3:1 “როსონიერის” სასარგებლოდ. “ბედნიერი ვარ, რომ გავიტანე, - უთხრა შემდეგ კაკამ Football Italia-ს, - ვაღიარებ, ელ შაარავის ან ბალოტელის ველოდებოდი, მაგრამ ისინი აგვიანებდნენ და გადავწყვიტე თავად დამერტყა. ვგრძნობ, რომ ჩინებულ ფორმაში ვარ, თუმცა, მთავარი “მილანის” გამარჯვებებია, რათა სატურნირო ცხრილში ზევით ავიდეთ.”