ბრაზილიის ნაკრების ყოფილი მცველი კაფუ დარწმუნებულია, რომ ნეიმარი მსოფლიოს საუკეთესო ფეხბურთელი გახდება. ერთ-ერთ სამხრეთამერიკულ სპორტულ გამოცემასთან საუბრისას კაფუმ თქვა, რომ “ბარსელონას” ბრაზილიელ ახალწვეულს წინ ბრწყინვალე კარიერა ელის.
“დააცადეთ ამ ბიჭს ორი წელიწადი და ის ლიონელ მესის და კრიშტიანუ რონალდუს უკან მოიტოვებს” – უთხრა კაფუმ ჟურნალისტს.
ბრაზილიის ნაკრების კიდევ ერთ ვეტერან ფეხბურთელს, რომარიოს კი აღიზიანებს, როდესაც ნეიმარს მასზე წინ აყენებენ.
“კარგად თამაშობს და ყველა მონაცემი აქვს, რომ მსოფლიო ფეხბურთის ისტორიაში ერთ-ერთი სუპერვარსკვლავი გახდეს, მაგრამ ჯერ ძალიან ადრეა მისი ჩემთან შედარება. ამისთვის ნეიმარს ბევრი შრომა და წარმატებები სჭირდება” – განაცხადა რომარიომ.
