ტურინის “იუვენტუსს” რომ “ლივერპულის” შემტევის, ლუის სუარესი სურს, ეს სიახლე არაა. ბოლო ინფორმაციით, “ბებერი სინიორა” მზადაა, ურუგვაელის სანაცვლოდ გუნდისთვის მნიშვნელოვან ფეხბურთელს, არტურო ვიდალს შეელიოს.

მიმდინარე სეზონში ლუის სუარესი იმდენად შედეგიანად თამაშობს, რომ “ლივერპული” მას იოლად ნამდვილად არ შეელევა. გასათვალისწინებელია ისიც, რომ “იუვენტუსი” ტრანსფერებში დიდი ფულის დახარჯვას არ აპირებს. თუ Tuttosport-ის დავუჯერებთ, “იუვე” პრობლემის მოგვარებას არტურო ვიდალის გაყიდვით ეცდება. ჩილელი ნახევარმცველის შეძენით მიუნხენის “ბაიერნია” დაინტერსებული და ტურინელები შეეცდებიან გერმანელები 30 მილიონი ევროს გადახდაზე დაიყოლიონ.