იურგენ კლოპმა მადრიდის “რეალთან” ჩემპიონთა ლიგის მეოთხედფინალის საპასუხო მატჩის წინ განაცხადა, რომ მისი “დორტმუნდი” მეორე ტაიმების სპეციალისტია. თუმცა, კლოპმა “მეორე ტაიმში” საპასუხო მატჩი იგულისხმა, ანუ მადრიდში წაგებულ 0:3-ს მხოლოდ პირველ ტაიმს უწოდებს.
“ჩვენ ვიცით, რომ “რეალი” არათუ წყვილის, არამედ მთლიანად ლიგის ფავორიტია. გვსურს, რომ კარგად ვითამაშოთ დაცვაში და მაქსიმალურად გამოვიყენოთ შანსები, რომელიც დარწმუნებული ვარ, არაერთი შეგვექნმნება. შარშან ფინალი წავაგეთ, ამჟამად კი დიდი შანსია, მეოთხედფინალში გავვარდეთ, თუმცა ყვეალფერი ჯერ არ დასრულებულა. “დორტმუნდის” გაახალგაზრდავება მხოლოდ იმიტომ არ დაწყებულა, რომ ახალგაზრდებთან მუშაობა მიყვარს. არა, მიზეზი ისაა, რომ ვარსკვლავის შესაძენი ფული არ გვქონდა”.
აქვე ვთქვათ, რომ 8 აპრილს გასამართ “დორტმუნდი”-”რეალის” მატჩში კრიშტიანუ რონალდუც ითამაშებს – მისი მინდორზე გასვლა ეჭვს იწვევდა, თუმცა კარლო ანჩელოტიმ განაცხადა, რომ პორტუგალიელი მწყობრშია.
