“მანჩესტერ იუნაიტედის” შემტევი ეშლი იანგი ტრავმირებულია და ის ფეხბურთის თამაშს ჯერჯერობით დაუდგენელი დროის განმავლობაში ვერ მოახერხებს.
იანგმა დაზიანება “ტოტენჰემთან” გამართულ მატჩში, უგო ლორისთან შეჯახების დროს მიიღო. ეს სწორედ ის ეპიზოდია, როდესაც დევიდ მოიესი თერთმეტმეტრიანის დანიშვნას ითხოვდა.
როგორც გაირკვა, 28 წლის ფეხბურთელს მხრის ტრავმა აქვს და მოიესის თქმით, მას გარკვეული დროით დასვენება მოუწევს.
