“ლივერპულის” ლეგენდა იან რაში მიიჩნევს, რომ მოცემულ მომენტში ლუის სუარესი მსოფლიოს საუკეთესო ფეხბურთელია: “სუარესი შეუდარებელია. ვიტყოდი, რომ ამ ეტაპზე ის მსოფლიოს საუკეთესო ფეხბურთელია, - უთხრა რაშმა Daily Express-ს, - ხალხი კრიშტიანუ რონალდოზე და ლიონელ მესიზე ლაპარაკობს, მაგრამ ბოლო დროს ტრავმების გამო ისინი რეგულარულად არ თამაშობენ. სუარესი კი მსოფლიოს ყველაზე ძნელ ლიგაში სასწაულებს ახდენს. ლუისმა თავისი თამაში სხვა, გაცილებით მაღალ დონეზე აიყვანა, ამიტომ ახლა მისი ფასი მინიმუმ 100 მილიონი გირვანქაა. სუარესს ბევრი გოლი გააქვს, მაგრამ მომენტებს პარტნიორებსაც უქმნის, ეგოისტი მოთამაშე არ არის.