მილანის “ინტერის” კარის დარაჯი სამირ ჰანდანოვიჩი ცდილობს რეალობას თვალი გაუსწოროს და აცხადებს, რომ მისი გუნდი ევროპაში საუკეთესოთა შორის არ შედის.

“დღესდღეობით, არ შეიძლება ითქვას, რომ “ინტერი” ევროპულ ფეხბურთში მნიშვნელოვან ძალას წარმოადგენს. თავი არ უნდა მოვიტყუოთ და ობიექტურობა უნდა შევინარჩუნოთ.

დღეს, “ინტერს” 11 უმაღლესი დონის ფეხბურთელი არ ჰყავს, განსხვავებით იმ პერიოდებისგან, როდესაც გუნდში მოურინიო ან მანჩინი მუშაობდა. სწორედ ასეთი სიტუაციაა ამჟამად “ინტერში”. – ციტირებს ჰანდანოვიჩის სიტყვებს La Gazzetta dello Sport-ი.