“დორტმუნდის” ნახევარმცველის – ილკაი გუნდოგანის შესაძენად ერთბაშად რამდენიმე ძლიერი კლუბი იბრძვის. Tuttomercatoweb-ის ცნობით, შუახაზელის გადაბირება “მანჩესტერ იუნაიტედსა” და ლონდონის “არსენალსაც” სურთ.
გასულ სეზონში ნაჩვენები ბრწყინვალე თამაშით, ახალგაზრდა გერმანელმა ევროპული ფეხბურთის გრანდების ყურადღება მიიპყრო. ბოლოდროინდელი ტრავმიანობის გამო, გუნდოგანის სატრანსფერო ფასი შედარებით დაეცა და ინგლისელებს სწორედ ამით სურთ ისარგებლონ.
რამდენადაც ცნობილია, გუნდოგანის შეძენა მადრიდის “რეალსა” და კატალონიის “ბარსელონასაც” სურთ.
