“ინტერის” ნახევარმცველის, ფრედი გუარინის აგენტი ადასტურებს, რომ მილანური გუნდი ლონდონის “ჩელსისთან”, კოლუმბიელის ტრანსფერთან დაკავშირებით, მოლაპარაკებებს აწარმოებს.

“შემიძლია დაგიდასტუროთ, რომ “ჩელსი” ფრედის შეძენით დაინტერესებულია. ტრანსფერის საკითხი კლუბებმა უნდა გადაწყვიტონ. ჩვენ მოლაპარაკებებში მას შემდეგ ჩავერთვებით, რაც ისინი შეთანხმდებიან.

“ინტერის” წარმომადგენლებთან ერთად ლონდონში უკვე ვიყავი და “ჩელსის” დირექტორებს შევხვდი, რათა გამერკვია, რამდენად სერიოზულია ინგლისელთა ინტერესი. მოლარაკებები გავმართეთ, მაგრამ თუ ტრანსფერი არ შედგა, გუარინი “ინტერში” დარჩენითაც ბედნიერი იქნება.” – აცხადებს გუარინის აგენტი მარსელო ფერეირა Caracol Radio-სთან საუბრისას.

გავრცელებული ინფორმაციით, “ჩელსის” გარდა, 27 წლის ფეხბურთელის შეძენის სურვილს “მანჩესტერ იუნაიტედიც” გამოთქვამს.