“ლევერკუზენმა” “ვალენსიას” მარცხენაფლანგელი ანდრეს გუარდადო ზაფხულამდე ინათხოვრა. ამ ინფორმაციას “ღამურების” ოფიციალური საიტი ადასტურებს.

მხარეებს საიჯარო ხელშეკრულება უკვე გაფორმებული აქვთ. სეზონის ბოლოს, ლევერკუზენელებს 27 წლის მექსიკელის სატრანსფერო უფლებების გამოსყიდვა შეეძლებათ.

ცნობისათვის, ესპანეთის პრიმერა დივიზიონის მიმდინარე გათამაშებაში, გუარდადომ 16 მატჩი ჩაატარა, მაგრამ მის ანგარიშზე არც გოლია, არც საგოლე გადაცემა.