საქართველოს ეროვნული ნაკრების ფეხბურთელმა შოთა გრიგალაშვილმა კვიპროსის “ანორთოსისთან” კონტრაქტი გააფორმა.

“ქართველმა ფეხბურთელმა შოთა გრიგალაშვილმა სამედიცინო შემოწმება წარმატებით გაიარა და შესაბამისად, ჩვენს კლუბთან მის მიერ დადებული კონტრაქტი ძალაში დაუყონებლივ შევიდა. ამ მოთამაშეს ჩვენს გუნდში მივესალმებით და წარმატებას ვუსურვებთ”, – ნათქვამია “ანორთოსისის” ვებგვერდზე.

27 წლის გრიგალაშვილმა, რომელმაც გასული სეზონი რუსეთის პირველი დივიზიონის ხაბაროვსკის “სკა-ენერგიაში” დაასრულა, ახალ გუნდში უკვე ივარჯიშა.