საქართველოს დავით ყიფიანის სახელობის თასის  1/16 ფინალში “ზუგდიდმა” ხელვაჩაურის “მაჭახელა” დაამარცხა ანგარიშით 2:0.

აღსანიშნავია, რომ სტუმართა კარში ორივე გოლი გუნდის ახალწვეულმა მცველმა ლაშა ღონღაძემ გაიტანა.

პირველი გოლი ღონღაძემ 21 –ე წუთზე მიითვალა. ნიკა ქირიას მიერ კუთხურიდან მოწოდებულ ბურთი თავური დარტყმით მეტოქე გუნდის კარში შეაგდო და მასპინძლები დააწინაურა.

მეორე ანალოგიური გოლი “ზუგდიდის” ახალწვეულმა მატჩის დამთავრებამდე 15 წუთით ადრე ლევან წურწუმიას პასით გაიტანა.

ცნობისთვის ღონღაძე გასულ სეზონში მარტვილის “მერანში” თამშობდა, შემდეგ მცირე ხანი “ვიტ ჯორჯიაში” დაჰყო, დღეს კი “ზუგდიდის” გუნდის ღირსებას იცავს და საკმაოდ წარრმატებულადაც.

ლაშა ღონღაძე: “ სასიამოვნოა, რომ ორი ბურთის გატანა შევძელი. იმედია ეროვნულ ჩემპიონატშიც გავიტან გოლებს. “ზუგდიდი” მებრძოლი გუნდია და ყველაფერს გავაკეთებთ იმისათვის, რომ გულშემატკივარი გავახაროთ.”

ედემი ელერჯია