ესპანეთის საკალათბურთო ნაკრების ერთ-ერთმა ლიდერმა პაუ გასოლმა დაადასტურა, რომ მის სამშობლოში დაგეგმილ 2014 წლის მსოფლიოს ჩემპიონატზე ითამაშებს. აღნიშნულის შესახებ “ლოს ანჟელეს ლეიკერსის” ფორვარდმა AS-თან ისაუბრა.
“ეროვნული ნაკრების მაისურით მსოფლიოს ჩემპიონატზე ვიასპარეზებ. კალათბურთის თამაშს კიდევ 5 წლის განმავლობაში ვაპირებ. შესაძლოა, “ლეიკერსში”, ეს ჩემი ბოლო დღეებია. ზაფხულში სხვა კლუბების წინადადებებს მოვისმენ და ცხადია, ლეიკერსელებსაც გავესაუბრები”, - აღნიშნა გასოლმა.
შეგახსენებთ, რომ მანამდე ნაკრებისადმი ერთგულება დაადასტურა რიკი რუბიომაც. “თუკი მწვრთნელი გამომიძახებს, მსოფლიოს ჩემპიონატზე აუცილებლად ვითამაშებ”, - განაცხადა “მინესოტა ტიმბერვულვზის” გამთამაშებელმა.
