რიკარდო გარეკამ “ველეს სარსფელდის” მთავარი მწვრთნელის თანამდებობა დატოვა.
არგენტინული საფეხბურთო კლუბის ოფიციალური ვებგვერდის ინფორმაციით, 55 წლის სპეციალისტს ახალი კონტრაქტი შესთავაზეს, რომლის გაფორმებაზეც უარი თქვა, რადგან სხვა პროექტებზე მუშაობას აპირებს.
ბოლო 5 წლის განმავლობაში, გარეკამ “ველეს სარსფელდს” არგენტინის პირველობა 3-ჯერ მოაგებინა.
ქვეყნის განვლილ ჩემპიონატში მისმა გუნდმა მე-2 ადგილი დაიკავა და “სან ლორენსოს” ჩამორჩა.
