“მონაკოს” ტრავმირებული ვარსკვლავი რადამელ ფალკაო აღდგენით პროცესს განაგრძობს და როდის დაუბრუნდება მოედანს, უცნობია. ამის შესახებ Goal.com-ი იუწყება.
ბარძაყის ტრავმის გამო, კოლუმბიელმა “ნანტთან” მატჩი გამოტოვა და იყო ვარაუდი, რომ თავდამსხმელი თავის გუნდს უახლოეს მატჩშივე დაუბრუნდებოდა. ექიმთა პროგნოზი არ გამართლდა – ფალკაოს ტკივილები კვლავ აწუხებს და ვერ ვარჯიშობს.
უახლოეს პერიოდში, სამხრეთამერიკელს კიდევ ერთი სამედიცინო შემოწმება ჩაუტარდება და გამოჯანმრთელების ვადებიც ცნობილი გახდება.
