ესპანური "მარკას" ინფორმაციით, ლუის ენრიკე სეზონის ბოლოს ვიგოს "სელტას" მთავარი მწვრთნელი აღარ იქნება. თავად ესპანელი მწვრთნელი კლუბიდან წასვლაზე ჯერ არ საუბრობს.
ვიგოელთა პრეზიდენტმა კარლოს მოურინომ განაცხადა, რომ მწვრთნელის წასვლის შესახებ, ჯერ კიდევ რამდენიმე კვირის წინ ენრიკესა და "ბარსელონას" სპორტული დირექტორის ანდონი სუბისარეტას შეხვედრის შემდეგ იცოდა.
როგორც უკვე ცნობილია, კატალონიელთა ხელმძღვანელობა ლუის ენრიკეს ხერარდო მარტინოს შემცვლელად მოიაზრებს და მზარეებს შორის კონტრაქტი ალბათ მალე გაფორმდება.
ესპანელი მწვრთნელი რამდენიმე კვირის წინ აცხადებდა, რომ არავის საქმეა მის სახლში ვის შეხვდება და რაზე ილაპარაკებს. როგორც ჩანს, ლუის ენრიკე უკვე გადაწყვეტილ ტრანსფერს საჯაროდ ჯერ არ ახმაურებს.
გიორგი ბალახაძე
