მილანის “ინტერის” ტრავმირებულ კაპიტან ხავიერ ძანეტის ოპერაცია უკვე ჩაუტარდა და საავადმყოფოც დატოვა. მოგეხსენებათ, 39 წლის არგენტინელმა “პალერმოსთან” მატჩში აქილევსის მყესის ტრავმა მიიღო.
“ოპერაციამ საათს გასტანა. საბედნიეროდ, ყველაფერმა წარმატებით ჩაიარა”, - განუცხადა ქირურგმა ფრანკო ბენაცომ ESPNDeportes-ს.
რეაბილიტაციის კურსი 3 კვირაში დაიწყება. ამ დროისთვის, არგენტინელი სიარულს უკვე შეძლებს. სავარაუდოდ, ძანეტის, სულ ცოტა, 6 თვის გამოტოვება მოუწევს.
