როგორც იცით, პოლონეთის "იაგელონიას" ნახევარმცველმა ნიკა ძალამიძემ თებერვალში მძიმე ტრავმა მიიღო, კერძოდ, გაყინულ მოედანზე ვარჯიშისას მუხლი შეუბრუნდა და ჯვარედინი მყესები გაიწყვიტა. ნიკამ ერთი თვის წინ გაიკეთა ოპერაცია და "მსოფლიო სპორტი" მაშინ ესაუბრა ქართველ შემტევს - მან გვითხრა, რომ ამ სეზონში არათუ თამაშს, არამედ ვარჯიშსაც ვერ შეძლებს.

როგორც წესი, ასეთი ოპერაციის შემდეგ, 5-6 თვე უცდება ფეხბურთელს.

"კვლავაც პოზნანში ვმკურნალობ. ტკივილი მაწუხებს, თუმცა რაც დრო გადის, მით უფრო ნაკლებად. ყველაფერი გეგმაზომიერად მიმდინარეობს. ექიმები ამბობენ, რომ დაახლოებით 5 თვეში სრული დატვირთვით ვარჯიშს დავიწყებ".

ძალამიძემ "იაგელონიას" თამაშზეც გააკეთა კომენტარი:

"როგორც ხედავთ, "იაგელონია" ზოგჯერ მართლაც კარგად თამაშობს. იმედია, "პიასტთან" მომდევნო ტურს მაღალ დონეზე ჩაატარებენ და მოიგებენ. ჩემი თანაგუნდელებისა მჯერა" - თქვა ძალამიძემ.