ვარშავის “ლეგიას” ფორვარდი ვლადიმერ დვალიშვილი, ინტერნეტგამოცემების ekstraklasa.net-სა და Wirtualna Polska-სა ვერსიით, პოლონეთის ექსტრაკლასას (უმაღლესი ლიგა) მე-7 ტურის სიმბოლურ ნაკრებში მოხვდა.

ხსენებულ ტურში, “ლეგიამ” სტუმრად “კორონა” 5:3 დაამარცხა და საქართველოს ეროვნული საფეხბურთო ნაკრების თავდამსხმელმა სამი გოლი გაიტანა.

“ქართველმა, როგორც იქნა, ნავსი გატეხა. მან, 3 აგვისტოს შემდეგ, არა მხოლოდ პირველად გაიტანა, არამედ, პოლონეთში პირველი ჰეთ თრიქი შეასრულა. ამისთვის მას, წელიწადნახევარი დასჭირდა”, – იუწყება ekstraklasa.net-ი დვალიშვილის შესახებ.