შესაძლოა, ინგლისის ეროვნული ნაკრების მცველმა ფილ ჯონსმა გერმანიის ნაკრებთან ამხანაგურ მატჩში მონაწილეობა ვერ მიიღოს. ამის შესახებ ბრიტანული მედიასაშუალებები იუწყებიან.
ჩილეს ეროვნულ გუნდთან ამხანაგურ დაპირისპირებაში (0:2), “მანჩესტერ იუნაიტედის” მცველმა საზარდული იტკინა და ჯერაც უცნობია, ითამაშებს თუ არა გერმანელთა წინააღმდეგ. ინგლისელთა უკანახაზელს დეტალური სამედიცინო გამოკვლევა უახლოეს პერიოდში ჩაუტარდება.
ცნობისათვის, ინგლისელები გერმანელებს 19 ნოემბერს დაუპირისპირდებიან.
