ინგლისური “ლივერპულის” კაპიტანმა სტივენ ჯერარდმა ლუის სუარესის დარჩენა-არდარჩენის საკითხზე ისაუბრა. ვეტერანი ინგლისელის აზრით, ურუგვაელი მეგოლე კლუბს ზამთრის სატრანსფერო სეზონში არ შეიცვლის.
“არა მგონია, სუარესმა “ლივერპულის” დატოვება ზამთარში მოისურვოს. ლუისი “ენფილდზე” ბედნიერია და არ ნანობს იმას, რომ ზაფხულის სატრანსფერო სეზონში სხვაგან არ გადავიდა. სუარესი ბრწყინვალე ფორმაშია და გუნდიც თავდაჯერებულად გამოიყურება. ძნელად სავარაუდოა, თავდამსხმელმა იანვარში დაგვტოვოს.
ვნახოთ, რა იქნება ზაფხულში. სუარესის ტრანსფერი იმაზეა დამოკიდებული, თუ როგორ დაასრულებს ინგლისის ჩემპიონატის მიმდინარე სეზონს “ლივერპული”, - განუცხადა ჯერარდმა Liverpool Echo-ს.
