კატალონიის “ბარსელონადან” “ევერტონში” იჯარით მოთამაშე ჟერარ დეულოფეუს ლაზარეთში 2 თვის გატარება მოუწევს. Reuters-ის ცნობით, ახალგაზრდა ესპანელის ტრავმა იმაზე გაცილებით სერიოზული აღმოჩნდა, ვიდრე ექიმები ელოდნენ.
მერსისაიდელთა შემტევმა მუხლქვეშა მყესის ტრავმა “ფულემთან” ინგლისის პრემიერლიგის უკანასკნელი ტურის მატჩში მიიღო. ექიმთა თავდაპირველი პროგნოზით, ესპანელს მხოლოდ 4 კვირა უნდა გამოეტოვებინა.
მას შემდეგ, რაც დეულოფეუს სამედიცინო შემოწმება ბარსელონაში ჩაუტარდა, გამოჯანმრთელების ვადები გაორმაგდა – ესპანელი ვარჯიშს 8 კვირაში დაიწყებს.
