საფრანგეთის ეროვნული ნაკრების მთავარი მწვრთნელი დიდიე დეშამი მიიჩნევს, რომ წლეულს, “ოქროს ბურთს” მისი შეგირდი ფრანკ რიბერი იმსახურებს.
“რა თქმა უნდა, ბევრი ბრწყინვალე ფეხბურთელია, მაგრამ მათ შორის საუკეთესო რიბერია. ის ერთადერთია, ვინც “ოქროს ბურთისთვის” ყველა კრიტერიუმს აკმაყოფილებს. ამის თქმის საფუძველს კლუბსა და ნაკრებში მისი ასპარეზობა მაძლევს. რიბერისთვის დიდი იმედგაცრუება იქნება, თუ “ოქროს ბურთს” ვერ მიიღებს”, - განუცხადა დეშამმა ფრანგულ პრესას.
შეგახსენებთ, რომ “ოქროს ბურთის” მფლობელის ვინაობა იანვარში გაირკვევა.
