“მანჩესტერ სიტის” ესპანელი შემტევი დავიდ სილვა, პრემიერლიგის ბოლო ტურის წინ, თანაგუნდელებს კონცენტრაციისკენ მოუწოდებს და აცხადებს, რომ “ქალაქელებს” ჩემპიონობა ჯერ განაღდებული არ აქვთ.
“ბევრს “სიტი” უკვე ჩემპიონი ჰგონია, მაგრამ ძალიან კარგად გვესმის, რომ მოდუნება არ შეიძლება. წინ რთული მატჩი გველის, რომელში მოგებასაც არავინ გვაჩუქებს.
ცოტა ხნის წინათ, “ლივერპულმა” “კრისტალ პალასთან” წააგო, არადა 3:0 იგებდა. იმედია, ეს ფაქტი ჩვენთვის კარგი გაკვეთილი იქნება. პირველიდან ბოლო წუთამდე უნდა ვითამაშოთ!” – ციტირებს სილვას სიტყვებს “სიტის” ოფიციალური ვებგვერდი.
პრემიერლიგის ბოლო ტურში “სიტი” “ვესტ ჰემს” მასპინძლობს. “ქალაქელებს” ჩემპიონობისთვის ქულაც ჰყოფნით.
