ლონდონის “ჩელსის” ხელმძღვანელობა საფრანგეთის ეროვნული ნაკრებისა და ტურინის “იუვენტუსის” ნახევარმცველ პოლ პოგბასთვის საკონტრაქტო შეთავაზებას ამზადებს.

Goal-ის ინფორმაციით, “არისტოკრატები” მზად არიან 21 წლის ფეხბურთელს ესპანელ სესკ ფაბრეგასზე მაღალი ხელფასი შესთავაზონ, რომელიც “ბარსელონადან” “ჩელსიში” ახლახანს გადავიდა და მისი ყოველკვირეული ანაზღაურება 225 ათას გირვანქა სტერლინგს შეადგენს.

“იუვენტუსს” პოგბას შენარჩუნება სურს, მაგრამ კლუბი მზადაა მის გასხვისებას დათანხმდეს, თუკი მისი ტრანსფერის სანაცვლოდ 75 მილიონ ევროს მიიღებს. სერია A-ს გასულ სეზონში ჩატარებულ 36 მატჩში ფრანგმა 7 გოლი გაიტანა.