ბრიტანული პრესის ცნობით, ლონდონის "ჩელსი" პსჟ-ს არგენტინელი თავდამსხმელით ეზეკიელ ლავეცით დაინტერესდა, თუმცა რეალური შეთავაზება ფრანგებისთვის ჯერ არ გაუკეთებიათ.
ფრანგული კლუბი წელს კიდევ უფრო გაძლიერებას აპირებს და დავიდ ლუისის შემდეგ, ლონდონური კლუბის რიგებიდან აზარის, ოსკარის, და ჩეხის გადაბირება სურთ.
"არისტოკრატები" არგენტინის ეროვნული ნაკრების თავდამსხმელს სამუელ ეტოოს შემცვლელად მოიაზრებენ. ლავეციმ გასულ სეზონში 43 მატჩში 11 გოლი გაიტანა.
მას შემდეგ, რაც ბრაზილიელმა მცველმა "ჩელსის" რიგები დატოვა ჟოზე მოურინიუ დაცვის გაძლიერებას ეცდება. ლონდონელების სამიზნე "პორტუს" მცველი ელიაკიმ მანგალა და მადრიდის "რეალის" ფრანგი ფეხბურთელი რაფაელ ვარანი გახდნენ.
გიორგი ბალახაძე
