“ბარსელონას” ვეტერან ნახევარმცველს, ჩავი ერნანდესს იმედი აქვს, რომ მისი გუნდი ჩემპიონთა ლიგის 1/8-ფინალში გასვლას მოახერხებს, მაგრამ იგი ასევე აცხადებს, რომ თუ კატალონიელებმა “მილანის” ბარიერი ვერ დასძლიეს, ეს ჩავარდნა არ იქნება.

“მილანთან” თამაშის დროს, დაცვაში, 2 სულელური შეცდომა დავუშვით და დავისაჯეთ. მეტოქემ კი, თავი შესანიშნავად დაიცვა. ჩვენ მათ კართან ხიფათი თითქმის არ შეგვიქმნია.

პირველ თამაშში დაფიქსირებული შედეგი, ჩვენთვის, რა თქმა უნდა, წარუმატებლობაა, მაგრამ წინ კიდევ განმეორებითი მატჩია. შემდეგ ეტაპზე გასასვლელად ყველაფერს გავაკეთებთ.

თუ იტალიელების ბარიერის დაძლევა ვერ მოვახერხეთ, ეს ჩავარდნა არ იქნება. შესაძლოა, იმედგაცრუება იყოს, მაგრამ არა ჩავარდნა.” – აცხადებს ჩავი ერნანდესი “მილანთან” 0:2 წაგების შემდეგ.