ვლადიკავკაზის “ალანიამ”, სადაც გიორგი ჭანტურია და მამუკა კობახიძე გამოდიან, ამხანაგურ მატჩში უნგრეთის “დიოშდიორი” 2:0 დაამარცხა. ამის შესახებ, “ალანიას” ოფიციალური ვებგვერდი იუწყება.
“ალანიას” სასტარტო შემადგენლობაში იყო ჭანტურია, რომელიც პირველი ტაიმის შემდეგ შეცვალეს. კობახიძე თამაშში შესვენების შემდეგ ჩაერთო.
“ალანიას” შემადგენლობაში ანგარიში ხოზინმა გახსნა, ხოლო მეორე გოლი ჰოლანდიელმა დრენტემ გაიტანა.