ევროპის ხელბურთის ფედერაციის თასზე რევაზ ჭანტურიას გუნდი “ზომიმაკ-სტრუმიცა” სტუმრად ფრანგულ “მონპელიესთან” 22:41 დამარცხდა.

თამაშის ბედი საწყის წუთებშივე გადაწყდა, როცა ფრანგების მეკარემ, თანამედროვეობის ერთ-ერთმა ყველაზე ტიტულოვანმა ხელბურთელმა, ტიერი ომაიერმა ყველა ბურთი მოიგერია და “მონპელიე” 6:0 დაწინაურდა.

მაკედონიურმა კლუბმა ერთი პირობა 6:9 გახადა ანგარიში, მაგრამ ტაიმი 9:22 წააგო, შესვენების შემდე კი 20 ბურთითაც ჩამორჩა. ქართველმა გარემარბმა 1 გოლი გაიტანა, “მონპელიეში” კი მეკარის შემდეგ საუკეთესო იყო სლოვენიელი დრაგან გაიჩი – 8 გოლი.

მეორე ტურში “სტრუმიცა” შინ დაუხვდება დანიურ “სკიერნს”, რომელიც პირველ ტურში შინ მოულოდნელად ლისაბონის “სპორტინგთან” 25:32 დამარცხდა. ჯგუფიდან მეოთხედფინალში 2 გუნდი გადის.

გუშინვე ჩემპიონთა ლიგაში კიდევ ორი მერვედფინალისტი გამოვლინდა. სკოპიეს “ვარდარმა” 30:22 დაამარცხა მინსკის “დინამო” და საგზური თავისთვის და თანაქალაქელი “მეტალურგისთვისაც” მოიპოვა. ჯგუფური ეტაპის დასრულებამდე 2 ტურით ადრე B და C ჯგუფებში ყველაფერი გარკვეულია, ხოლო დარჩენილ ორ ჯგუფში პლეიოფის 2-2 მონაწილეა გამოსავლენი.

უნგრულმა “ვესპრემმა” პირველი ქულა დაკარგა გერმანულ “ლიოვენთან” – 25:25, ხოლო დანიის “კოლდინგი” შინ დამარცხდა გერმანულ “კილთან” 24:26. ოთხივე ეს გუნდი უკვე გასულია მერვედფინალში.

ქალთა ტურნირზე ფრედ ითამაშეს შვედეთის “სევეჰოფმა” და მაკედონიის “ვარდარმა” – 27:27, ხოლო მონტენეგროს “ბუდუჩნოსტმა” სლოვენიის “კრიმ მერკატორი” 30:15 გაანადგურა. ქალთა შეჯიბრებაში კიდევ 4 ტურია სათამაშო.

 

ჩემპიონთა ლიგა 2013-14. კაცები. ჯგუფური ეტაპი.

8 ტური. 5-9 იანვარი

A ჯგუფი

8 თებ. სტ. პეტერბურგი (რუს) – ცელიე ლაშკო (სლნ) 29:29

8 თებ. ოსიგურანიე ზაგრები (ხორ) – მოტორ ზაპოროჟიე (უკრ) 33:27

9 თებ. რეინ–ნეკარ ლიოვენი (გერ) – ვესპრემი (უნგ) 25:25

 

ვესპრემი 15 ქულა, ლიოვენი 12, ზაპოროჟიე 7, ცელიე 7 / ზაგრები 6, სტ. პეტერბურგი 1

 

B ჯგუფი

6 თებ. ვისლა პლოცკი (პოლ) – დიუნკერკი (საფ) 32:25

7 თებ. პორტუ (პორ) – ტარგი კელცე (პოლ) 30:35

9 თებ. კოლდინგი (დან) – კილი (გერ) 24:26

 

კილი 14, კელცე 10, კოლდინგი 10, ვისლა 8 / პორტუ 4, დიუნკერკი 2

 

C ჯგუფი

8 თებ. ვაკერ თიუნი (შვც) – ბარსელონა (ესპ) 23:39

8 თებ. პსჟ (საფ) – მეტალურგ სკოპიე (მკდ) 32:29

9 თებ. ვარდარ სკოპიე (მკდ) – დინამო მინსკი (ბლრ) 30:22

 

ბარსელონა 15, პსჟ 11, მეტალურგი 9, ვარდარი 8 / დინამო 4, თიუნი 1

 

D ჯგუფი

5 თებ. გორენიე ველენიე (სლნ) – ჰამბურგი (გერ) 29:36

5 თებ. ლოგრონიო ლა რიოხა (ესპ) – ოლბორგი (დან) 25:23

8 თებ. ფლენზბურგი (გერ) – დროტ ჰალმსტადი (შვდ) 33:25

 

ჰამბურგი 14, ფლენზბურგი 13, ოლბორგი 8, გორენიე 6 / ლოგრონიო 6, ჰალმსტადი 1

 

მერვედფინალში გადის 4-4 გუნდი

 

ქალები. მეორე ჯგუფური ეტაპი. 2 ტური. 7-9 თებერვალი

1-ლი ჯგუფი

8 თებ. ტიურინგერი (გერ) – მიდტიულანდი (დან) 26:24

9 თებ. სევეჰოფი (შვდ) – ვარდარი (მკდ) 27:27

 

ვარდარი 3, მიდტიულანდი 2 / ტიურინგერი 2, სევეჰოფი, 1

 

მე-2 ჯგუფი

7 თებ. ლარვიკი (ნორ) - დიორი ეტო (უნგ) 23:29

9 თებ. ბუდუჩნოსტი (მნტ) - კრიმ მერკატორი (სლნ) 30:15

 

ბუდუჩნოსტი 3, დიორი 3 / კრიმი 2, ლარვიკი 0

ნახევარფინალში გადის 2-2 გუნდი

www.geohandball.ge