მადრიდის “რეალის” შუახაზელმა ჩაბი ალონსომ “სანტიაგო ბერნაბეუს” დატოვება გადაიფიქრა და კლუბთან კონტრაქტის გახანგრძლივება გადაწყვიტა. მადრიდული პრესის ცნობით, 32 წლის ნახევარმცველმა თავის აგენტ ინიაკი იბანიესს “სამეფო კლუბის” ხელმძღვანელობასთან მოლაპარაკების დაწყება სთხოვა.

ჩაბი ალონსო “რეალის” პრეზიდენტ ფლორენტინო პერესს უახლოეს პერიოდში შეხვდება და პირადი კონტრაქტის დეტალებს შეათანხმებს. სავარაუდოდ, ესპანელი 2-წლიან კონტრაქს და წლიურ 7 მილიონ ევროს მოითხოვს.

შეგახსენებთ, რომ ჩაბი ალონსოს მადრიდელებთან მოქმედი კონტრაქტი ზაფხულამდე აკავშირებს.