კატალონიის “ბარსელონამ” თავდამსხმელი ბოიან კრკიჩი ამსტერდამის “აიაქსში” გაანათხოვრა. ამ ინფორმაციას “ბლაუგრანას” ოფიციალური საიტი ადასტურებს.
შეთანხმების მიხედვით, ესპანელი ჰოლანდიაში წელიწადს გაატარებს, თუმცა, არაა გამორიცხული, საიჯარო ხელშეკრულება გახანგრძლივდეს კიდეც. ეს ფეხბურთელის ასპარეზობაზეა დამოკიდებული.
ამგვარად, იტალიაში იჯარით გატარებული 2 სეზონის შემდეგ, ბოიანმა ამსტერდამს მიაშურა. მოგეხსენებათ, კატალონიელებს თავდამსხმელი იჯარით ჯერ “რომაში” ჰყავდათ გაშვებული, შემდეგ – “მილანში”.
