დიდი ალბათობით, მიუნხენის “ბაიერნის” ფორვარდი მარიო გომესი კარიერას იტალიის ჩემპიონატში განაგრძობს. Bild-ის ცნობით, გერმანელ მეგოლეს “ნაპოლისთან” კონტრაქტის დეტალები უკვე შეთანხმებული აქვს.
რა რაოდენობის თანხა დაუჯდებათ ნეაპოლელებს გომესის შეძენა, ჯერჯერობით, უცნობია. სავარაუდოდ, ტრანსფერი ოფიციალურად უახლოეს დღეებში დადასტურდება და გარიგების დეტალებიც საჯარო გახდება.
შეგახსენებთ, რომ გომესი “ბაიერნში” 2009 წელს, “შტუტგარტიდან” გადავიდა. მიუნხენელებს გერმანიის ეროვნული ნაკრების ფორვარდის ტრანსფერი 35 მილიონი ევრო დაუჯდათ.
