სოჭში მიმდინარე ზამთრის ოლიმპიურ თამაშებზე კაცების გიგანტურ სლალომში მხოლოდ პირველი ცდა დასრულდა, თუმცა, რაოდენ სამწუხაროც არ უნდა იყოს, ქართველ სპორტსმენებს დღეს სტარტზე ვეღარ ვიხილავთ.

ქართველი სამთო-მოთხილამურეები ალექსი ბენიაიძე და იასონ აბრამაშვილი საქმეში შესაბამისად, 72-ე და 76-ე ნომრებად ჩაებნენ, თუმცა, იმ 30 სპორტსმენს შორის მოხვდნენ, რომელთაც ფინიშამდე მისვლა ვერ მოახერხეს. ამდენად, მათ მე-2 ცდის შესრულების უფლებაც დაკარგეს.

პირველი დაშვების შედეგებით, ბრძოლას 79 სამთო-მოთხილამურე აგრძელებს, მათგან საუკეთესო შედეგი კი ამერიკელ ტედ ლიგეტის გააჩნია, რომელიც უახლოეს კონკურენტ ონდრჟეი ბანკს (ჩეხეთი) 0.93 წამს უგებს.

დასასრულ დავძენთ, რომ 22 თებერვალს ბენიაიძე და აბრამაშვილი ძალებს სლალომში სცდიან.