17 სექტემბრიდან პირველი ოქტომბრის ჩათვლით, უზბეკეთის დედაქალაქი ტაშკენტი, ქალთა შორის გრან-პრის გათამაშების მე-3 ეტაპს მასპინძლობს. აღნიშნულ ტურნირში პლანეტის 11 საუკეთესო მოჭადრაკესთან ერთად, საქართველოს ეროვნული ნაკრების წევრი ბელა ხოტენაშვილიც იასპარეზებს. რაც შეეხება გრან-პრის გათამაშების კიდევ ერთ მონაწილეს, საქართველოს ნომერ პირველ მოჭადრაკე ქალ ნანა ძაგნიძეს, ამჯერად იგი ისვენებს.

შეგახსენებთ,  რომ ხოტენაშვილმა გრან-პრის პირველი ეტაპი (ჟენევა- შვეიცარია) მოიგო, ხოლო მეორეში (დილიჟანი-სომხეთი) 12 მოჭადრაკეს შორის ბოლო ადგილი დაიკავა. პირველ ეტაპზე ბელას საერთაშორისო დიდოსტატი დავით ჯოჯუა, ხოლო მეორეზე ასევე დიდოსტატი ზურაბ სტურუა ეხმარებოდა. ამჯერად ხოტენაშვილს ტაშკენტში ისევ ჯოჯუა დაეხმარება. მთლიანობაში გრან-პრის გათამაშებაში 18 სპორტსმენი მონაწილეობს. გრან-პრის ექვსი ეტაპიდან, თითოეული მათგანი 4-4 ეტაპზე გამოვა, საიდანაც 3-3 საუკეთესო შედეგი საერთო ჩათვლაში შევა და უძლიერესი, 2015 წელს, პლანეტის საუკეთესო მოჭადრაკის ტიტულისათვის  ბრძოლაში მსოფლიოს მოქმედ ჩემპიონს დაუპირისპირდება.

გთავაზობთ გრან-პრის მე-3 ეტაპზე მოსაპარეზე სპორტსმენთა სიას

1. ჰამპი კონერუ (ინდოეთი)
2. ჟაო ქსიუ (ჩინეთი)
3. კატერინა ლაჰნო (უკრაინა)
4. ანტუანეტა სტეფანოვა (უკრაინა)
5. ვიქტორია ჩმილიტე (ლიტვა)
6. ჰარიკა დრონოვალი (ინდოეთი)
7. ჟუ ვენჟუნი (ჩინეთი)
8. ბელა ხოტენაშვილი (საქართველო)
9. ალექსანდრა კოსტენიუკი (რუსეთი)

10.  ელინა დანიელიანი (სომხეთი)

11.  ოლგა გირია (რუსეთი)

12.  ნაფისა მუმინოვა (უზბეკეთი)

პირველ ეტაპზე დაკავებული ადგილები

1. ბელა ხოტენაშვილი (საქართველო)
2. ანა მუზიჩუკი (სლოვენია)
3. ნადეჟდა კოსინცევა (რუსეთი)
4. ნანა ძაგნიძე (საქართველო)
5. ვენ ჟუნი ( ჩინეთი)
6. ანა უშენინა (უკრაინა)
7. კატერინა ლაჰნო (უკრაინა)
8. იიფან ჰოუ (ჩინეთი)
9. ალექსანდრა კოსტენიუკი (რუსეთი)

10.  ვიქტორია ჩმილიტე (ლიტვა)

11.  თუვშინთუგს ბაჩიმეგი (მონღოლეთი)

12.  ოლგა გირია (რუსეთი)

     მეორე ეტაპზე დაკავებული ადგილები

1. ჰამფი კონერუ (ინდოეთი)
2. ანა მუზიჩუკი (სლოვენია)
3. ნანა ძაგნიძე ( საქართველო)
4. ტატიანა კოსინცევა (რუსეთი)
5. ანა უშენინა ( უკრაინა)
6. ანტოანეტა სტეფანოვა (ბულგარეთი)
7. თუვშინთუგს ბაჩიმეგი (მონღოლეთი)
8. ჰარიკა დრონოვალი ( ინდოეთი)
9. ოლგა გირია (რუსეთი)

10.  ვიქტორია ჩმილიტე (ლიტვა)

11.  ელინა დანიელიანი (სომხეთი)

12.  ბელა ხოტენაშვილი (საქართველო)