მადრიდის “ატლეტიკოს”, ჩემპიონთა ლიგის 1/4-ფინალში “ბარსელონასთან” გასამართი მატჩის წინ, სერიოზული საკადრო პრობლემები აქვს. სიმეონეს გუნდს, შესაძლოა, დიეგო კოსტა და არდა თურანი ვერ დაეხმარონ.
ორივე ფეხბურთელმა ტრავმა ერთი კვირის წინათ, სწორედ “ბარსელონასთან” მატჩში მიიღო. “ვისენტე კალდერონზე” კოსტას თამაში რომ საეჭვო იყო, ეს პირველი თამაშის შემდეგ გახდა ცნობილი. დღეს გავრცელებული ინფორმაციით, ბრაზილიელი თავდამსხმელის გარდა, “ატლეტიკოს” ვარჯიშებში მონაწილეობას ვერც არდა თურანი ღებულობს და მისი “ბარსელონას” წინააღმდეგ თამაში საეჭვოა.
