შესაძლოა, კატალონიის “ბარსელონას” ნახევარმცველი ალექს სონგი “მანჩესტერ იუნაიტედში” გადაბარგდეს. “დეილი მეილის” ცნობით, კატალონიელებმა მანჩესტერელებს 26 წლის კამერუნელის სამსახური თავად შესთავაზეს.

მოგეხსენებათ, “მანჩესტერ იუნაიტედის” ხელმძღვანელობა შემადგენლობის გაძლიერებას გეგმავს. “წითელი ეშმაკები” ნახევარდაცვის შუა ხაზში ახალ ფეხბურთელებს ეძებენ და შესაძლოა, სონგი დაიმატონ.

შეგახსენებთ, რომ კამერუნელი ლონდონის “არსენალიდან” “კამპ ნოუზე” 2012 წლის ზაფხულში, 15 მილიონ გირვანქად გადავიდა. სონგმა “ბარსელონას” სასტარტო შემადგენლობაში თავი ვერაფრით დაიმკვიდრა და არაა გამორიცხული, ინგლისში დაბრუნება თავადაც მოისურვოს.