ხორვატი ამომავალი ვარსკვლავი ალენ ჰალილოვიჩი “ბარსელონას” ფეხბურთელი ოფიციალურად გახდა.
კატალონიურმა კლუბმა ზაგრების “დინამოსთან” და მის 17 წლის შემტევ ნახევარმცველთან შეთანხმებას ჯერ კიდევ მარტში მიაღწია. მოგვიანებით, FIFA-მ “ბარსას” ტრანსფერი აუკრძალა და ჰალილოვიჩის ესპანეთში გადასვლა კითხვის ნიშნის ქვეშ დადგა.
ცოტა ხნის წინათ, FIFA-მ “ბარსელონასთვის” დაწესებული შეზღუდვა შეაჩერა, რასაც კატალონიურ გუნდში ჯერ მარკ-ანდრე ტერ შტეგენის, ახლა კი ალენ ჰალილოვიჩის გადასვლა მოჰყვა. “ბარსას” ოფიციალური ვებგვერდის ცნობით, ხორვატმა ფეხბურთელმა კლუბთან 2019 წლამდე მოქმედი კონტრაქტი გააფორმა. ის, თავიდან, “ბარსა ბ”-ში ითამაშებს.
