იტალიური “მილანის” ფორვარდი მარიო ბალოტელი ავარიაში მოყვა, მაგრამ სერიოზული დაზიანება არ მიუღია. ამის შესახებ Sky Italia იუწყება.
ორშაბათს, ფეხბურთელი ოჯახის წევრების მოსანახულებლად ბრეშაში მიემგზავრებოდა, გზად კი, ავარია შეემთხვა. მნიშვნელოვანი დაზიანება არცერთ მძღოლს მიუღია. ავტომობილთა მფლობელი პოლიციას დაელოდნენ და შესაბამისი ოქმების შევსების შემდეგ, თავიანთი გზა განაგრძეს.
დარწმუნებით შეიძლება ითქვას, რომ აღნიშნული ავარია ბალოტელის თამაშში ხელს არ შეუშლის.
