ახალი ამბები მადრიდული დერბის წინ

სანაკრებო ბატალიების შემდეგ, ორივე კლუბს ყველა მოთამაშე დაუბრუნდა განკარგულებაში. “რეალის” რიგებში ტრავმირებული დაბრუნდა დანი კარვახალი, რომელიც დიდი ალბათობით თამაშს ვერ შეძლებს. სამაგიეროდ, მომჯობინდა გუნდის მთავარი ვარსკვლავი კრიშტიანო რონალდუ და შეხვედრას სასტარტოში დაიწყებს, კლუბმა ახალი ფორვარდი ხავიერ ერნანდესი შეიძინა, რომელსაც შესაძლოა მადრიდულ დერბიში ჰქონდეს დებიუტი.

ესპანური Marca-ს ცნობით, ანჩელოტი ბევრ ცვლილებას არ გეგმავს და შემადგენლობაში მხოლოდ ორი ისეთი მოთამაშე გამოჩნება, რომლებიც “სოსიედადთან” წაგებულ მატჩში სასტარტოში არ იყვნენ. საუბარი ალვარო არბელოასა და კრიშტიანო რონალდუზეა, რომლებიც დანი კარვახალსა და ისკოს შეცვლიან.

Marca-ს ცნობით, “რეალი” დერბის ამ შემადგენლობით დაიწყებს:

კასილასი, პეპე, რამოსი, არბელოა, მარსელო, კროოსი, მოდრიჩი, როდრიგესი, ბეილი, რონალდუ, ბენზემა.

შემადგენლობის მხრივ განსაკუთრებული პრობლემა არ აქვს “ატლეტიკოს”. ლაზარეთი დატოვა და გუნდს დაუბრუნდა არდა თურანი, შესაძლოა დერბიში მონაწილეობაც მიიღოს. საეჭვოა კრისტიან რიდრიგესის თამაში, რომელიც გუნდს ურუგვაის ნაკრებიდან ტერფის ტრავმით დაუბრუნდა, თუმცა ის სამატჩო განაცხადში იმყოფება და როგორც ჩანს, შაბათამდე მწყობრში ჩადგომას მოასწრებს. კიდევ ერთი კარგი ამბავი ისაა, რომ წინა ტურის შემდგომ, “ატლეტიკო” ალესიო ჩერჩით გაძლიერდა. “როხიბლანკოს” მთავარი დანაკლისი, მთავარი მწვრთნელი, დიეგო სიმეონეა, რომელსაც რვამატჩიანი დისკვალიფიკაცია აქვს მისჯილი და სათადარიგოთა სკამიდან ვერ მოძღვრავს თავის გუნდს.

არგენტინელი სპეციალისტი იმ მოთამაშეებზე დაყრდნობას აპირებს, რომლებმაც ესპანეთის სუპერთასზე შინ დაამარცხეს “რეალი”. ერთადერთი ცვლილება შესაძლოა ნახევარდაცვის ცენტრში იყოს და ტიაგოს ნაცვლად მარიო სუარესი გამოჩნდეს სასტარტოში. კლუბის ახალწვეული ალესიო ჩერჩი თადარიგში იქნება და დიდი ალბათობით მეორე ტაიმში ვიხილავთ მოედანზე.

Marca-ს ცნობით, “ატლეტიკოს” შემადგენლობა ასეთი იქნება:

მოია, სიკეირა, გოდინი, მირანდა, ხუანფრანი, გაბი, მარიო სუარესი, რაულ გარსია, გრიზმანი, კოკე, მანძუკიჩი.

“რეალისა” და “ატლეტიკოს” ბოლო 5 დაპირისპირება:

23.08.2014 - ესპანეთის სუპერთასი – ატლეტიკო 1:0 რეალი
20.08.2014 - ესპანეთის სუპერთასი – რეალი 1:1 ატლეტიკო
24.05.2014 - ჩემპიონთა ლიგა – რეალი 1:1 (4:1დ.დ.) ატლეტიკო
02.03.2014 - ლა ლიგა – ატლეტიკო 2:2 რეალი
12.02.2014 - ესპანეთის თასი – ატლეტიკო 0:2 რეალი

ირაკლი ალიმბარაშვილი

თეგები“რეალი”“ატლეტიკო”