მადრიდის “ატლეტიკოს” ხელმძღვანელობა დიეგო კოსტას ტრანსფერის საკითხს აპრილში განიხილავს. AS-ის ცნობით, ესპანელებს 25 წლის ფორვარდის გაშვება არ სურთ, მაგრამ თუ ფეხბურთელი წასვლას მოისურვებს, ტრანსფერი ზაფხულში შედგება.
დიეგო კოსტას კონტრაქტის გამოსასყიდი თანხა 38 მილიონი ევროა. მისი სამსახურით “დორტმუნდი”, “ჩელსი”, “არსენალი”, “მანჩესტერი” და “სიტი” არიან დაინტერესებულნი.
“ატლეტიკოში” დიეგო კოსტას სავარაუდო შემცვლელებზე საუბარი უკვე დაიწყო. თუკი ბრაზილიური წარმოშობის ესპანელი კლუბს შეიცვლის, მადრიდელები “ასტონ ვილას” ფორვარდის – კრისტიან ბენტეკეს შეძენას ეცდებიან.
