ზამთრის სატრანსფერო სეზონში, ლონდონის “არსენალი” ფლორენციის “ფიორენტინას” ნახევარმცველის – ხუან კუადრადოს შეძენას ეცდება. ამის შესახებ იტალიური მედიასაშუალებები იუწყებიან.

აპენინელი ჟურნალისტების მტკიცებით, “მეთოფეთა” აგენტები “ფიორენტინასა” და “კიევოს” მატჩს (2:1) დაესწრნენ და 25 წლის ნახევარმცველს უშუალოდ სტადიონიდან დააკვირდნენ.

მხარეებს შორის მოლაპარაკებები უახლოეს პერიოდში დაიწყება. ფინანსური დეტალები, ჯერჯერობით, უცნობია.