ლონდონის “არსენალი” ზაფხულის სატრანსფერო სეზონში “ლივერპულის” ფორვარდის – ლუის სუარესის შეძენას არ ეცდება. ამის შესახებ “მეთოფეთა” დამრიგებელმა არსენ ვენგერმა განაცხადა “სკაი სპორტსის” ეთერში საუბრისას.
“გასულ ზაფხულს ვეცადეთ, მაგრამ სუარესის შეძენა ვერ მოვახერხეთ. სამწუხაროდ, არ გამოგვივიდა. ვეცდებით თუ არა მომავალში მის გადმობირებას? ნამდვილად არა”, - განაცხადა ფრანგმა.
შეგახსენებთ, რომ ზაფხულში, “არსენალი” სუარესში 40 მილიონ გირვანქა სტერლინგს იხდიდა.
