მადრიდის “რეალის” ნახევარდაცვის ლიდერი ჩაბი ალონოს კრიშტიანუ რონალდუზე საუბრობს. ესპანელის თქმით, პორტუგალიელი მადრიდელთათვის მნიშვნელოვანი ფეხბურთელია, მაგრამ გუნდი მასზე დამოკიდებული არაა.

“რონალდუზე დამოკიდებულება? ის გუნდისთვის მნიშვნელოვანია, მაგრამ ჩვენ მასზე დამოკიდებულნი არ ვართ. კრიშტიანუს ყველა მატჩში მონაწილეობის მიღება და რაც შეიძლება მეტი გოლის გატანა სურს. მისი გოლები, ხშირად, გადამწყვეტი აღმოჩნდება ხოლმე.” – აცხადებს ალონსო, რომელიც “ბილბაოსთან” კვირას გამართულ მატჩსაც შეეხო – “ბილბაოს” თამაშის თავისი სტილი აქვს – ბასკები ძალიან ინტენსიურად მოქმედებენ. თუმცა, მათთან გამკლავება მოვახერხეთ. ეს განსაკუთრებით მე-2 ტაიმზე ითქმის.”

შეგახსენებთ, რომ “რეალმა” ბასკეთში 3:0 მოიგო. კრიშტიანუ რონალდუმ თავი 2 გოლით და 1 შედეგიანი გადაცემით გამოიჩინა.