ფოთში ჩატარებული მრავალგზის ოლიმპიური ჩემპიონატის ნანა ალექსანდრიას სახელობის საჭადრაკო ფესტივალი ქართველთა ჰეგემონიით დასრულდა.

ტურნირის გამარჯვებული ლუკა პაიჭაძე (2537) გახდა 7.5 ქულით, ასეთივე მონაგარის მქონე ლევან ფანცულაია (2588) მე-2 იყო, მე-3 ადგილი კი გიგა ყუფარაძეს (2497) ერგო 6.5 ქულით.

6.5 ქულა აღმოაჩნდათ სომეხ ლევონ ბაბუჯიანს (2497) და დავით ზარქუას (2416), რომელთაც შესაბამისად, მეოთხე-მეხუთე პოზიციები დაიკავეს.

ალექსანდრიას თასზე ყველა კატეგორიაში ერთად აღებული, 9 ქვეყნის 369 მოჭადრაკე თამაშობდა, ტურნირის საპრიზო ფონდი კი 32 ათასი ლარი გახლდათ.