იტალიური “მილანის” 35 წლის კარის დარაჯი კრისტიან აბიატი კლუბის ხელმძღვანელობას კონტრაქტის გახანგრძლივებაზე შეუთანხმდა. ამის შესახებ თავად იტალიელმა განაცხადა Mediaset-ის ეთერში საუბრისას.
“მომდევნო სეზონშიც “მილანში” ვითამაშებ. თავგადასავალი გრძელდება და ეს ძალიან მახარებს. “მილანელო” ჩემი სახლია”, - განაცხადა მეკარემ.
ცნობისათვის, აბიატი 1998 წლიდან “მილანის” საკუთრებაა. 15 წლის განმავლობაში, იტალიელი 3-ჯერ იყო განათხოვრებული – “იუვენტუსში”, “ტორინოსა” და მადრიდის “ატლეტიკოში”.
აწ უკვე დასრულებულ სეზონში, აბიატიმ 36 მატჩში მიიღო მონაწილეობა.