“სუონსი სიტის” ნახევარმცველი ჯონჯო შელვი გუნდის მომდევნო 4 მატჩს გამოტოვებს. ამის მიზეზი დისკვალიფიკაციაა, რომლის გასაჩივრებაზეც “სუონსიმ” უარი თქვა.

პრემიერლიგაში 2014 წელს ჩატარებულ ბოლო მატჩში “სუონსი” “ლივერპულს” ეწვია. შელვის, რომელიც თავისი ყოფილი გუნდის წინააღმდეგ თამაშობდა, კარგი დღე არ ჰქონდა. მან ავტოგოლი გაიტანა, მანამდე კი ემრე ჯანს სახეში ხელი განზრახ ჩაარტყა. არბიტრს ეს ეპიზოდი გამოეპარა, მაგრამ სააპელაციო კომიტეტმა შელვი მაინც დასაჯა და მას ოთხმატჩიანი დისკვალიფიკაცია მისცა.