“გრონინგენთან” გასვლით მატჩში “ვიტესის” სასტარტო შემადგენლობას დაუბრუნდა გურამ კაშია. მწვრთნელმა ბოშმა ქართველი მცველი შეუცვლელად ათამაშა. კაშიას მსგავსად მთელი სათამაშო დრო დაეთმო ვალერი ყაზაიშვილსაც.

42-ე წუთზე ანგარიში სტუმარმა ფეხბურთელებმა გახსნეს. ყაზაიშვილის პასის შემდეგ ტრაორემ გაუტანა მეტოქეს. მეორე ტაიმში “გრონინგენმა” გამათანაბრებელი გოლი გაიტანა და შეხვედრაც ამ ანგარიშით, ფრედ 1:1 დასრულდა.

საბერძნეთის ჩემპიონატში “პანიონისთან” გასვლით მატჩში მარცხი იწვნია გიორგი ლორიასა და გიორგი მერებაშვილის “ოფიმ.” ქართველმა მეკარემ შეხვედრა სრულად ჩაატარა, ხოლო გიორგი მერებაშვილმა მოედანი 92-ე წუთზე დატოვა. სტუმრებმა კოლოვოსისა და ჯანუს გოლებით მოიგეს (2:0).

სამხრეთ აფრიკის ჩემპიონატში “პლატინუმ სტარსი” შინ “ბიდვესტ ვიტსის” ეთამაშა. შეხვედრა ფრედ 0:0 დასრულა, ხოლო ქართველი მოთამაშე გიორგი ნერგაძე განაცხადში იმყოფებოდა, თუმცა მოედანზე გასვლა არ მოუწია.

კვიპროსის ჩემპიონატში მნიშვნელოვანი მატჩი მოიგო”ანორთოსისმა.” “ომონიასთან” საშინაო შეხვედრაში ეკონომიდესის გოლით მე-17 წუთზე სტუმრები დაწინაურდნენ, თუმცა მეორე ტაიმში ლაიფისისა და მაკრისის გოლებით გამარჯვება მასპინძლებს დარჩათ. “ანორთოსისის” სასტარტო თერთმეტეულში გიორგი აბურჯანიამ ითამაშა.