თურქეთის ქალაქ ანტალიაში სტარტი აიღო მორიგმა საერთაშორისო ტურნირმა, რომლის საპრიზო ფონდიც 10 ათასი დოლარია.

საკვალიფიკაციო რაუნდში ძალები თამარ ჭალაგანიძემ სცადა, რომელმაც სერბ ლიძია სამარჯიჩს 6:1, 6:1 სძლია, დასკვნით რაუნდში კი პორტუგალიელ მაფალდა ფერნანდესთან 1:6, 0:6 დამარცხდა.

პირდაპირ ძირითად ბადეში არიან დაშვებულნი ეკატერინე გორგოძე და სოფო ქვაცაბაია. მე-2 ნომრად განთესილი გორგოძე კვალიფიკაციის ერთ-ერთ გამარჯვებულ – ბელგიელ ელინ ბოეიკენსს გაეჯიბრება, ხოლო მე-8 რეიტინგის მქონე ქვაცაბაიას მეტოქე მოლდოველი ანასტასია ვდოვენკო იქნება.

წყვილებში პირველ ნომრად განთესილმა ქვაცაბაიამ და სლოვაკმა სკამლოვამ რუსები – დემინოვა და სტაროსტოიანცი 6:0, 6:1 დაამარცხეს და მეოთხედფინალში ხსენებულ ბოეიეკენსს და ნორვეგიელ სტოკეს გაეჯიბრებიან.

მე-2 განთესვის მქონე გორგოძემ და სლოვენიელმა კოლარმა ავსტრიელ კიონიგს და რუს კუშკოვას 6:4, 3:6, 10:7 სძლიეს და მე-2 რაუნდში რუმინელ ბუზეანს და თურქ გულმანს დაუპირისპირდებიან. ამ წყვილმა ჭალაგანიძეს და რუს დმიტრიევას 6:4, 6:4 სძლია.

ანტალიაშივე ვაჟთა 10-ათასიან ტურნირში იასპარეზებს გიორგი ცივაძე. იგი საწყის წრეში უკრაინელ დენის მილოკოსტოვს ეთამაშება. წყვილებში ცივაძე და რუსი იარკოვი თურქ ალტუნასთან და რუმინელ აპოსტოლთან 4:6, 3:6 დამარცხდნენ.