ბრიტანული მედიის ინფორმაციით, ლონდონის "ტოტენჰემმა" თვალი ინგლისის ეროვნული ნაკრების და "საუთჰემპტონის" შემტევ ჯეი როდრიგესს დაადგა. "მამლები" მზად არიან 25 წლის ფეხბურთელში 20 მილიონი გირვანქა გადაიხადონ.

მიმდინარე სეზონში ჯეი როდრიგესი მოედანზე მუხლის მყესის ტრავმის გამო არ გამოჩენილა, გასულ სეზონში კი 39 მატჩში 17 გოლი გაიტანა და 3 საგოლე გადაცემა შეასრულა.

როდრიგესი "წმინდანების" ღირსებას 2012 წლიდან იცავს. ორი სეზონის განმავლობაში ინგლისელმა 76 მატჩში 26 გოლი გაიტანა.